कोलोराडोस्थित नेपाली घरको १२औं साधारण सभामा महत्वपूर्ण विषयहरुमा छलफल

-नातिबाबु भट्ट (कोलोराडो, अमेरिका) । अमेरिकाको कोलोराडोमा सकृय नेपालीहरुको साझा संस्था नेपाली घरको १२औं साधारण सभा शनिबार एक समारोहबीच सम्पन्न भयो ।

बिशेषगरी संस्थाको बिधानमा सदस्य, शुभचिन्तक तथा दाताहरुको राय सुझाव र समयको माग बजोजिम केही बुंदा सामान्य परिमार्जन केही थपघट गरी सबैलाइ समेट्न सक्ने बनाउनको लागी बोलाईएको साधारण सभाले संस्थाको संशोधित बिधान सर्वसम्मत तरिकाबाट पास गर्दै सम्पन्न भएको हो ।

कार्यक्रमका प्रमुख अतिथि नेपाली घरका सल्लाहकार समाजसेवी टिका सिटौला तथा समाजसेवी डा. बिजयराज शर्माबाट संयूक्त्त रूपमा पानसमा बत्ती बालेर उद्घाटन गरिएको कार्यक्रम नेपाल र अमेरिकाको राष्ट्रियगानसंगै अगाडि बढाइएको थियो । कार्यक्रममा विभिन्न संघ संस्थाका प्रतिनिधि, बुद्धिजिवी, शुभचिन्तक, उद्योगी, व्यवसायी, गन्यमान्य, पत्रकार, नेपाली घरका पदाधिकारी तथा सदस्यहरुको उपस्थिती रहेको थियो ।

नेपाली सांस्कृतिक केन्द्र नेपाली घरमा सम्पन्न कार्यक्रम संस्थाका उपाध्यक्ष गंगा चौलागाईंको स्वागत मन्तव्यसँगै शुरु भएको थियो भने कोषाध्यक्ष राजु खनालले आर्थिक प्रतिवेदन र अध्यक्ष बसन्त लम्सालले संस्थाको प्रगति तथा भावी चुनौतीहरु सभा समक्ष प्रश्तुत गरेका थिए ।

कार्यक्रममा उपस्थित बिभिन्न संस्थाका प्रतिनिधी, शुभचिन्तक, सल्लाहकार तथा अतिथिहरुले शुभकामना मन्तब्य दिएका थिए । संस्थाका महासचिव भोला कटुवालले संचालन गरेको कार्यक्रम अध्यक्ष बसन्त लम्सालको सभापतित्वमा सम्पन्न भएको थियो ।

कार्यक्रमको दोश्रो सत्रमा बिशेषगरी संस्थाको बिधान संशोधनको बारेमा छलफल भएको थियो । बिशेषगरी नेपाली घरको संयोजनमा २०१८ मा आयोजित श्रीमद् भागवत सप्ताह महायज्ञको भावना, बर्तमान समयको माग र शुभचिन्तकहरुको सुझाव समेट्ने उद्धेश्यले केही बुंदा सामान्य परिमार्जन, केही थपघट गरी सबै नेपालीभाषी समुदायको अपनत्व महशुस हुने गरी संशोधन गरिएको नेपाली घरले बताएको छ ।

यसरी संशोधित बुदाहरुमा संस्थाको सदस्यताको दायरा फराकिलो पार्दै ट्रष्टी मेम्वर, Corporate Member, Non Profit Organization Member अवधारणालाई समेटिएको छ । जसबाट ब्यावसायिक तथा अन्य सामाजिक संस्थालाइ जोडिन सहज हुने बताइएको छ ।

त्यसैगरी ब्यवस्थापन परामर्श समिती सल्लाहकार परिषदको ब्यवस्थाबाट समाजमा उल्लेख्य देन दिनुहुने सामाजिक र बौद्धिक ब्यक्तित्वको समाबेशले समाज शसक्त र एकाकार हुने तथा संस्थालाइ उचित मार्गदर्शन हुने बिश्वास लिइएको छ । त्यस्तै ट्रष्टी परिषदको ब्यवस्थाबाट संस्थालाई जटिल र कानुनी समस्या समाधानको लागी सहयोग पुग्ने आशा गरिएको छ । संस्थाको बिधानमा थपिएका मुख्य बुँदाहरु यिनै हुन् । अन्य सामान्य परिमार्जनमा सदस्यता शुल्क, कार्यसमितीका केही पदाधिकारी थप र बार्षिक कार्यक्रम थपघट गरिएका छन् ।

नेपाली भाषा, कला संस्कृती जिवन्त राखी हाम्रा भावी पुस्तालाई सिकाउन, हाम्रा चाडपर्व, बिवाह ब्रतबन्ध जस्ता कार्यक्रम संचालन स्थल निर्माण गर्न तथा सम्पूर्ण नेपाली भाषी समुदायको पहिचान जोगाइ प्रवर्धन गर्ने अभियानमा रहेको संस्था नेपाली घरको सकृयता र सबै दाता र संघ संस्थाको सहयोगमा नेपाली संस्कृतिक केन्द्र खरिद गरी पूर्णरुपमा संचालनको अनुमती लिने प्रकृया अगाडि बढिरहेको छ । सबै नेपाली भाषीहरुको आस्थाको केन्द्रबिन्दु नेपाली संस्कृतिक केन्द्रलाइ जोगाइराख्न सबैको साथ सहयोग र मार्गदर्शन आवस्यक पर्ने भएकोले यस अभियानमा जोडिइ यथासक्य सहयोग गर्न सबैलाई अनुरोध समेत गरिएको छ ।

कार्यक्रमको अत्यमा संस्थाका अध्यक्ष तथा कार्यक्रमका सभापति बसन्त लम्सालले कार्यक्रममा उपस्थित सबैलाई धन्यवाद दिदै सबैको साथ र सहयोगले नै संस्था यहाँसम्म आईपुगेकोले आगामी दिनमा पनि निरन्तर साथ र सहयोगको लागी सबै संग अनुरोध गरेका थिए ।

कार्यक्रमको दोश्रो सत्रमा उठेको सहभागीहरुको जिज्ञासालाई संस्थाका पूर्व ३ अध्यक्षहरु जगदिशचन्द्र ढकाल, लछुमन राना र योगराज गौतमले प्रष्ट्याउने प्रयास गरेका थिए भने उपाध्यक्ष चौलागाईंले सहजीकरण गरेका थिए ।