कोलोराडोमा बालबालिकाहरुको भव्य उपस्थितिमा मनाइयो सरस्वती पूजा (फोटो फिचरसहित)

कोलोराडो । अनेसास कोलोराडो शाखा र नेपाली भाषा पाठशालाको संयुक्त आयोजनामा फेब्रुअरी १५, शनिबारका दिन वेस्टमिनस्टरस्थित नेपाली घरमा सरस्वती पूजा कार्यक्रम भव्यताका साथ सम्पन्न भएको छ ।

उक्त कार्यक्रम सञ्चालन एरिका अधिकारीले गरेकी थिइन् । पहिलो चरणमा सरस्वती पूजा र बन्दना गरिएको थियो । धन पौडेल, निर्मला अर्याल, रञ्जु आचार्य, गीता भुसाल, प्रतिभा शर्मा, रीता ज्ञवाली, कविता ज्ञवाली र पूजा आलेबाट सरस्वती पूरा विधि र बन्दना गरिएको थियो ।

त्यसैगरी नेपाली भाषा पाठशालाका शिक्षक, शिक्षिका, विधार्थी र अभिभावकहरुद्वारा सरस्वती माताको पूजा, पुष्प अर्पण तथा दर्शन गरिएको थियो । साथै कार्यक्रममा उपस्थित सम्पूर्णलाई प्रसाद वितरण गरिएको थियो ।

कार्यक्रमको दोस्रो चरणमा विधार्थीहरुको प्रतिभा प्रस्तुति गरिएको थियो । माया ज्ञवालीद्वारा पियानोको साथमा राष्ट्रिय गानबाट कार्यक्रमको शुरुवात गरिएको थियो । सरस्वती पूजाको कथा अमिस पौडेलबाट, भगवान गणेशजीको कथा कुञ्जल चौलागाईंबाट, त्यस्तै बुबाआमाको काख छोराछोरीलाई लाख शीर्षकको नाटक प्रियंका श्रेष्ठ, परि श्रेष्ठ, अश्रिता कटुवाल, आरती कटुवाल, रचित रेग्मी र रुशिल रेग्मीबाट प्रस्तुत गरिएको थियो ।

यसैगरी विभा लुईंटेल, प्राञ्जिला खड्का, प्रियंका श्रेष्ठ, अभिक अधिकारी, एरिका अधिकारी, मान्यता रुपाखेती, तनुज चौलागाईंबाट नृत्य तथा अग्रिम पौडेलबाट कविता प्रस्तुत गरिएको थियो भने पूजा आले र दिपिका श्रेष्ठबाट आक्षारम्भ गराइएको थियो ।

कार्यक्रम सम्पन्न गर्न सहयोग गर्ने अल स्टेट इन्स्योरेन्सका सुजन शर्मालाई प्रमाणपत्र वितरण गरिएको थियो ।

कार्यक्रममा अनेसास बीओटी सभापति पदम विश्वकर्मा, अनेसासका केन्द्रीय महासचिव राजु सिटौला, एनआरएनए कोलोराडोका अध्यक्ष प्रकाश पौडेल, रक्की माउन्टेन अफ नेपालका अध्यक्ष अर्जुन बगाले, मगर संघ अध्यक्ष कृष्ण थापा मगर, समाजसेवी विजयराज शर्मा, अनेसास कोलोराडोका पूर्वअध्यक्ष भूपेन्द्र महंत र सिस्टर्स ग्रुपका अध्यक्ष धन पौडेल लगायतको उपस्थित रहेको थियो ।

उक्त कार्यक्रममा कपिकलम शैलेश पोख्रेलले सहयोग गर्नु भएको थियो भने खाना सहयोग गर्नेमा नेपाली घरका अध्यक्ष बसन्त लम्साल, देब भट्टराई र कृष्ण थापा मगर रहनु भएको अनेसास कोलोराडो शाखाका अध्यक्ष किरण अधिकारीले जानकारी दिनु भयो ।

कार्यक्रममा सहभागी सम्पूर्ण बालबालिकाहरुलाई प्रमाणपत्र र गिफ्ट कार्ड प्रदान गरिएको थियो ।