कोलोराडोखबर संवाददाता
टेक्सस । फेब्रुअरी १६, २०२५ आइतबारका दिन अमेरिकाको टेक्सास राज्यको हट्टो सहर नेपालमय बन्न पुग्यो । नेपालीपन, पहिचान, नेपालीत्व र नेपाल–अमेरिकाबीचको आपसी सम्बन्ध झल्काउने ‘नेपाल डे परेड–२०२५’ गर्बिलो इतिहास रच्दै भव्यताका साथ सम्पन्न भएको छ ।
क्त कार्यक्रम ग्रेटर अस्टिन नेपाली सोसाइटी, नेपलिज सोसाइटी टेक्सास, नेपलिज एसोसिएसन ह्युस्टन, स्यान एन्टोनियो नेपलिज एसोसिएसन र नेपलिज सोसाइटी अफ क्लबले संयुक्त रूपमा आयोजना गरेका हुन् ।
नेपाल र अमेरिकाबीच कूटनीतिक सम्बन्ध स्थापना भएको स्मरण गर्दै नेपाली कला, संस्कृति, परम्परा, रितिरिवाज, भाषा, भेषभूषा र पहिचानलाई संरक्षण, संवर्धन र प्रवर्धन गर्ने मुख्य उद्देश्यले नेपाल डे परेड कार्यक्रमको आयोजना गरिएको थियो ।
सांस्कृतिक झाँकी प्रदर्शन र विशेष सांस्कृतिक कार्यक्रमसहितको उक्त कार्यक्रममा हजारौं प्रवासी नेपालीहरुको निकै उत्साहजनक सक्रिय उपस्थित रहेको थियो ।
प्रतिक्रिया दिनुहोस्