कोलोराडोखबर संवाददाता
नेपाल । पूर्वराष्ट्रपति विद्यादेवी भण्डारीले सक्रिय राजनीतिमा फर्किने तयारी गरेकी छिन् । उनले आफू राष्ट्रिय राजनीतिमा अझै सक्रिय रहेको भन्दै सक्रिय राजनीतिमा फर्किए नेकपा एमालेमै फर्कने बताएकी छन् ।
पूर्वराष्ट्रपति भण्डारीले विराटनगरमा सोमवार पत्रकारसँगको भेटघाट गर्दै आफूले शिक्षा, स्वास्थ्य, आर्थिक समानता, जलवायु र वातावरणलगायत विषयमा छलफल गरिरहेको र यी सबै विषय राजनीतिभन्दा बाहिर नरहेको बताइन् ।
सोमवार दिउँसो विराटनगर आइपुगेलगतै एमालेका विभिन्न तहका नेताहरूसँग बिग होटलमा उनले भेटघाट गरेकी थिइन् भने उनले एमालेका अगुवा महिला, युवा र विद्यार्थी नेताहरूसँग पनि भेटघाट गरेकी थिइन् ।
उनले दलीय राजनीतिमा आएको खण्डमा नेकपा एमाले नै आफ्नो रोजाइमा पर्नसक्ने इंगितसमेत गरिन् ।
प्रतिक्रिया दिनुहोस्