कोलोराडोखबर संवाददाता
कोलोराडो । अमेरिकाको कोलोराडोबाट सञ्चालित कोलोराडो खबर डटकमको पहिलो वार्षिकोत्सव कार्यक्रम फेब्रुअरी २, आइतबारका दिन हुने भएको छ ।
सन् २०२३ को नोभेम्बर १० तारिकबाट उक्त अनलाइन शुरुवात भएको हो । नोभेम्बरबाट शुरु भए पनि फेब्रुअरी २ लाई वार्षिकोत्सवको मिति तय गरिएको कोलोराडो खबर कम्पनीका संस्थापक तथा अध्यक्ष बाशुदेव खनालले जानकारी दिनु भयो ।
विशेष गरी नेपाल र विदेशमा रहेका नेपालीहरुलाई जोड्ने उद्देश्यले अनलाइन मिडिया सञ्चालन गरिएको हो । नेपालीहरुको धर्मसंस्कृति, भाषा साहित्य, रितिरिवाज, चाडपर्वलाई संरक्षण र सम्बर्द्धन गर्दै विशेष गरी नेपाली भाषीहरुलाई ताजा समाचार पस्कने कोलोराडो खबरको उद्देश्य छ ।
कोलोराडो खबरलाई आगामी दिनमा अझै कसरी प्रभावकारी बनाउने भन्ने बारेमा वार्षिकोत्सव कार्यक्रममा छलफल हुनेछ ।
वार्षिकोत्सव कार्यक्रममा सहभागिताका लागि प्रमुख अतिति, अतिथि र कोलोराडो स्थिति संघसंस्था पदाधिकारीहरुलाई निमन्त्रणा पठाइएको संस्थापक खनालले जानकारी दिनु भयो ।
प्रतिक्रिया दिनुहोस्