साहित्य सङ्गम मकवानपुरको ३३८औं नियमित साहित्य सन्ध्यामा ६४ जना दाताहरु सम्मानित

नेपाल (हेटौंडा) । साहित्य सङ्गम मकवानपुरले ३३८औं नियमित साहित्य सन्ध्या गत शनिबार सम्पन्न गरेको छ ।

सोही अवसरमा साहित्य सङ्गमको नियमित गतिविधि सञ्चालनार्थ अक्षयकोष निर्माण अभियानमा सहयोगी दाताहरूलाई सम्मान गरिएको थियो ।

सङ्गमका अध्यक्ष डीबी बर्तौलाको सभाध्यक्षतामा आयोजित कार्यक्रममा ५ हजार रूपैयाँमाथि सहयोगी दाताहरूलाई सम्मान गरिएको हो । पहिलो चरणमा कूल ४ लाख ५ हजार ५ सय ७६ रूपैयाँ सहयोग गर्ने ६४ दाताहरू सम्मान गरिएको अध्यक्ष बर्तौलाले उल्लेख गरे ।

हेटौंडा उपमहानगरपालिका ४ नम्बर वडाका वडा अध्यक्ष नवीन सिग्देलको प्रमुख आतिथ्यता कार्यक्रम भएको हो ।

कार्यक्रममा सहयोगी दाताहरू सुदर्शनप्रसाद अधिकारी, दिनेश भण्डारी, विनोद सुवेदी, अमुल श्रेष्ठ, डीबी बर्तौला, ठाकुरराम भण्डारी, सुभाषचन्द्र पौडेल, विश्वास क्षेत्री, दीपक गौतम, सुदीप बर्तौला, मनोज पोखरेल, उमा मैनाली, भानुभक्त आचार्य, रामहरि न्यौपाने, उमेश आचार्य, रामकृष्ण तिमल्सिनालगायतका व्यक्तित्वहरू सम्मानित भए ।