कोलोराडोखबर संवाददाता
नेपाल । राष्ट्रपति रामचन्द्र पौडेलले इजरायलका लागि नेपाली राजदूतमा प्रा. धनप्रसाद पण्डितलाई नियुक्त गरेका छन् ।
नेपालको संविधानअनुसार मन्त्रिपरिषद्को सिफारिसमा राष्ट्रपति पौडेलले पण्डितलाई इजरायलका लागि नेपालको आवासीय राजदूतमा नियुक्त गरेका हुन् ।
प्रधानमन्त्री केपी शर्मा ओली नेतृत्वको सरकारले ३ महिना अघि गत साउन १४ मा १७ मुलुकका लागि विभिन्न राजदूत सिफारिस गर्दा पण्डितलाई इजरायलका लागि राजदूत सिफारिस गरेको थियो ।
इजरायलका लागि राजदूतमा सिफारिस पण्डित अदालतबाट सजाय पाएका व्यक्ति भएकाले नियमावलीअनुरुप राजदूत हुन नमिल्ने भन्दै संसदीय समितिले अनुमोदन गर्नमा ढिलाई गरेको थियो ।
प्रतिक्रिया दिनुहोस्