इङ्लिस प्रिमियर लिगमा म्यानचेस्टर युनाइटेड र चेल्सीबीचको खेल बराबरी

अमेरिका । इङलिस प्रिमियर लिगमा म्यानचेस्टर युनाइटेड र चेल्सिले १-१ गोलको बराबरी खेल्दै अंक बाँडेका छन् । चेल्सिलाई मोइसेस काइसेडोले हारबाट जोगाएका हुन् ।

ओल्ड ट्राफोर्डमा गएराति भएको खेलको पहिलो हाफ गोलरहित बराबरीमा सकिएको थियो । अलेहान्द्रो गारान्चो र मार्कस र्यासर्फड गोल नजिक पुगेका थिए । तर सफल भएनन् ।

७० औं मिनेटमा कप्तान ब्रुनो फर्नान्डेजले डेडलक तोडे । चेल्सिका गोलकिपर रोबर्ट सान्चेजले, रास्मस होइलुन्डलाइ फाउल गरेपछि युनाइटेडले पेनाल्टीको अवसर पाएको थियो । जसलाई ब्रुनोले गोलमा परिणत गर्दै घरेलु टोलीलाई अग्रता दिलाए। तर युनाइटेडले आफ्नो अग्रता लामो समय जोगाउन भने सकेन् ।

७४ औं मिनेटमा काइसेडोले आकर्षक गोल गरेपछि चेल्सीले एक अंक लिन सफल भयो । बाँकी समयमा गारान्चो र फर्नान्डेजले पाएको मौकालाई सदुपोग गर्न सकेनन्। युनाइटेडको, प्रशिक्षक एरिक टेन हाखलाई बर्खास्त गरेपछिको यो पहिलो खेल हो ।

डग आउटमा अन्तरिम प्रशिक्षक रुड भान नेस्टेलोरी रहेका थिए। टेन हाखलाई प्रतिस्थापन गरेका रुवेन आबोरिमले एघार नोभेम्बरबाट मात्र आफ्नो जिम्मेवारी सम्हाल्नेछन् ।

युनाइटेड दश खेलबाट १२ अंक जोड्दै तालिकाको १३ औं स्थानमा छ । चौथो स्थानमा रहेको चेल्सीको १८ अंक छ। गएराति नै भएको अर्को खेलमा एस्टन भिल्ला टोटनहमसँग ४(१ ले पराजित भयो ।