कोलोराडोखबर संवाददाता
–धनराज गिरी–
मुरी हुने इच्छा भए मानु हुन सिक
ठूलो मान्छे हुने भए सानु हुन सिक ।
महाग्रन्थ हुन्छ जीवन लेख्दै लेख्दै गए
सर्त यही पैले यौटा पानु हुन सिक ।
वर पीपल हुनसक्छौं जीवन चौतारीमा
इमानको योग्यताको दानु हुन सिक ।
गर हित गरिबको पुज मानवता
देवकोटा सम अनि भानु हुन सिक ।
भीडमोह भएदेखि सुन सानो मन्त्र
खारिएर सुकर्मले रानु हुन सिक ।
असल बन सरल बन अझ सीधासाधा
शेला होइन पिंडालुको गानु हुन सिक ।
गान्धी बुद्ध तिमी नै हौ तिमी फरिस्ता हौ
प्रेम सिक अति प्यारो नानु हुन सिक ।
–चितवन, नेपाल ।
प्रतिक्रिया दिनुहोस्