कोलोराडोखबर संवाददाता
नेपाल (हेटौंडा) । गजल मञ्चका पूर्व अध्यक्ष दीपक गौतमको एकल गजल वाचन कार्यक्रम सम्पन्न भएको छ । शनिबार आयोजित कार्यक्रममा गौतममले २ सत्र गरी कूल १० गजल सुनाउनु भयो ।
गौतमले ६० र ७० को दशकका साथै नयाँ गजलहरू समेत गरी बहर र बेबहरमा लेखिएका दुवैखाले गजल वाचन तथा गायन गर्नु भयो ।
कार्यक्रममा नवसर्जक साहित्य चौतारीद्वारा प्रशिक्षित ४ वटा विद्यालयका विद्यार्थीहरूबाट समेत गजल वाचन भएका थिए ।
गजल मञ्चका अध्यक्ष केशव समर्पणले गौतमका गजलहरूको प्रशंसा गर्दै गजल लेखन कार्यशाला समेत सञ्चालन गराउनु भएकोमा धन्यवाद ज्ञापन गर्नुभयो ।
मकवानपुरका साहित्यकारहरू सहभागी रोयल प्यालेस हेटौँडामा आयोजित कार्यक्रमलाई मञ्चका सचिव हरि पौड्यालले सहजीकरण गर्नु भएको हो ।
प्रतिक्रिया दिनुहोस्