बालकविताः कुखुराको भाले

-रमेशचन्द्र घिमिरे-

हेर्न आइज लाले
कुखुराको भाले ।

झोला सोला भिरी
गाउँतिर छिरी
ल्याउनु भाको रैछ
धेरै पैसा तिरी
हाम्रा माइला बाले
कुखुराको भाले ।

जता पनि जान्छ
जे जे पाउँछ, खान्छ
मेरो आफ्नो घरलाई
उसले आफ्नै ठान्छ
साह्रै असल खाले
कुखुराको भाले ।

बस्छ सानो खोरमा
सुत्छ त्यहीँ फोहोरमा
कुखुरी काँ कराउँछ
चर्को चर्को स्वरमा
हाम्रो घरको पाले
कुखुराको भाले ।

–भ‍ोर्लेटार, लमजुङ ।