कोलोराडोखबर संवाददाता
नेपाल । नेपाल काभा वुमन्स नेसन्स लिग भलिबलको फाइनलमा पुगेको छ । मंगलबार भएको सेमिफाइनलमा नेपालले इरानलाई सोझो सेटमा पराजित गरेको हो ।
नेपालले यो खेल २५–२१, २८–२६ र २५–२० ले जित्यो । नेपालले उपाधिका लागि अब भारतसँग खेल्नेछ ।
यसअघि भारतले मंगलबारनै भएको पहिलो सेमिफाइनलमा श्रीलंकालाई हराएको थियो ।
नेपाल र भारत यसअघि लिग चरणमा पनि भिडेका थिए । जसमा घरेलु टोली नेपालले जितेको थियो ।
फाइनल खेल बुधबार हुनेछ । तेस्रो स्थानका लागि इरान र श्रीलंकाले प्रतिस्पर्धा गर्नेछन् ।
प्रतिक्रिया दिनुहोस्