अमेरिकाको कोलोराडोमा टुकी इभेन्ट्सले अगस्ट १७ मा तीज विशेष दर खाने कार्यक्रम गर्ने

कोलोराडो । टुकी इभेन्ट्सले महिलाहरुको महान् पर्वको हरितालिका तीजको अवसरमा अमेरिकाको कोलोराडोमा तीज विशेष दर खाने कार्यक्रम गर्ने भएको छ ।

टुकी इभेन्ट्सका किरण भुसाल, शान्ति भुसाल र श्रृति पाण्डेको संयोजकत्वमा अगस्ट १७ तारिख शनिबारका दिन साँझ ५ बजेदेखि राति १२ बजेसम्म कार्यक्रम आयोजना गर्न लागिएको छ ।

कार्यक्रम Paradise Tavern (9239 Park Meadows Dr, Lone Tree, CO 80124) मा हुनेछ ।

उक्त कार्यक्रममा कोलोराडो निवासी १८ वर्ष माथिका सम्पूर्ण दिदीबहिनीहरुलाई निमन्त्रणा गरिएको छ । कार्यक्रममा सहभागिताको लागि ४५ डलर प्रवेश शुल्क निर्धारण गरिएको छ ।

उक्त अवसरमा डीजे निरोज अर्यालको प्रस्तुती रहने छ । सांगीतिक महौलमा हर्षोल्लासका साथ भोजनको समेत राम्रो प्रबन्ध रहने कार्यक्रम संयोजक श्रृति पाण्डेले बताउनु भयो । साथै कार्यक्रममा प्रमोद भण्डारीको फोटोग्राफी हुनेछ ।

कोलोराडोमा विगतका वर्षहरुमा समेत तीज विशेष कार्यक्रम गरिएको थियो ।

तलको लिंकमा क्लिक गरी टिकट लिन सकिने छ ।
Ticket link:
https://tinpaisa.com/tinpaisa-events/tuki-teej-bash-2/

विगतको तीज विशेष कार्यक्रमको झलकः