कोलोराडोखबर संवाददाता
अमेरिका । नेपालबाट अमेरिका गएका र हाल अमेरिकामा बसोबास गरिरहेका नेपालीहरुलाई सहयोग पुग्ने गरी ‘जब पोर्टल’ सञ्चालन गरिने भएको छ ।
जागिरको खोजीमा रहेका नेपालीहरुका लागि सहयोग पुर्याउने उद्देश्यले उक्त पोर्टल डिजाइन गरिएको हो । एनआरएनए एनसीसी अमेरिकाकी बीओडी दुर्गा तिवारीको कन्सेप्ट अनुसार उक्त पोर्टल डिजाइन गरिएको हो ।
उक्त पोर्टल डिजाइन गर्नका लागि टाक्सफोर्स चेयर दिनेश तिवारी र को-चेयर दुर्गा तिवारी तथा सदस्यमा सफ्वेयर डेभलपर भूपीन तिवारी र भुवन तिवारी रहेका छन् ।
उक्त सफ्टवेयरको बारेमा एनआरएनए एनसीसी अमेरिकाको हालै सम्पन्न १३औं वार्षिक साधारण सभामा सफ्टवेयर डेभलपर भूपीन तिवारी र भुवन तिवारीले प्रस्तुतीकरण गरेका थिए ।
कामको खोजीमा रहेका नेपाली भाषीहरुका लागि उपयोगी हुने उक्त पोर्टल (लिंक) को बाँकी काम एनआरएनए अमेरिकाको आईटी विभागले गर्ने र जसले गर्दा जब एप्लाई र जब पोस्ट गर्ने अवसर मिल्ने एनआरएनए एनसीसी अमेरिकाकी बीओडी दुर्गा तिवारीले बताइन् ।
प्रतिक्रिया दिनुहोस्