कोलोराडोखबर संवाददाता
अमेरिका । जर्मनीमा जारी यूरो कपमा इङ्ल्यान्ड लगातार दोस्रो पटक फाइनलमा प्रवेश गरेको छ ।
बुधबार राति डर्टमुण्डमा भएको दोस्रो सेमिफाइनलमा नेदरल्याण्ड्सलाई २–१ पराजीत गर्दै इङ्ल्यान्डले फाइनलमा स्थान पक्का गरेको हो ।
जाभी सिमोन्सले सातौं मिनेटमा नै नेदरल्याण्ड्सलाई खेलमा अग्रता दिलाएका थिए ।
इङ्ल्यान्डले १८औं मिनेटमा पेनाल्टी मार्फत खेलमा बराबरी गर्यो । डेन्जेल डम्फ्रिजले ह्यारी केन माथि डी बक्समा फाउल गरेपछि पाएको पेनाल्टीमा केनले नै गोल गर्दै खेल बराबरी गरेका थिए ।
खेलको अन्तिम समयमा गोल गर्दै इङ्ल्यान्डले फाइनलमा स्थान पक्का गर्यो । ८१औं मिनेटमा मैदान प्रवेश गरेका दुई खेलाडीले गोलमा महत्वपूर्ण भूमिका खेले । कोल पालमरको पासमा ओली वाटकिन्सले उत्कृष्ट फिनिश गर्दै इङ्ल्यान्डलाई जित दिलाए ।
इङ्ल्यान्डले अब उपाधिका लागि स्पेन विरुद्ध खेल्नेछ । स्पेनले मंगलबार सम्पन्न पहिलो सेमीफाइनलमा फ्रान्सलाई २–१ ले हराउँदै फाइनलमा स्थान पक्का गरिसकेको छ।
प्रतिक्रिया दिनुहोस्