कोलोराडोखबर संवाददाता
नेपाल । नेपाल क्रिकेट संघ (क्यान) ले नेपाल प्रिमियर लिग आयोजना गर्ने भएको छ । क्यानको केन्द्रीय कार्यसमिति बैठकले आगामी नोभेम्बर–डिसेम्बरमा नेपाल प्रिमियर लिग आयोजना गर्ने निर्णय गरेको हो ।
बैठकले टीयु क्रिकेट मैदानको पिचको पुनः निर्माण गरी स्तरोन्नति गर्ने, हाल सञ्चालनमा रहेको जिम हललाई विस्तार गरी जिम हलमा प्रयोग हुने आवश्यक उपकरण थप गर्ने तथा उक्त खेल मैदानलाई विस्तार एवं व्यवस्थित गर्न ढलको व्यवस्थापन गर्ने निर्णय गरेको क्यानका सचिव पारख खड्काले जानकारी दिए ।
अन्तर्राष्ट्रिय क्रिकेट परिषदबाट बजेट प्राप्त भएपछि सातै प्रदेशमा इन्डोर ट्रेनिङ सेन्टर निर्माण गर्ने निर्णयसमेत भएको खड्काले जानकारी दिए ।
प्रतिक्रिया दिनुहोस्