कविताः किन होला ?

–सुशीला शर्मा–

हिड्दा हिड्दै दोबाटोमा
रोकियौ नि किन होला
अल्मलिदै भिड सङ्ग
ठोकियौ नि किन होला ?

राम्रा राम्रा कुरा गर्थ्यौ
मौन छौ नि किन होला
न्यानो तापले आफू मात्रै
सेकियौ नि किन होला ?

साथी भाइको सवालमा
झोक्कियौ नि किन होला
आफै सक्षम हुँदा हुँदै
बोकियौ नि किन होला ?

देखे पनि नदेखे झैं
छेकियौ नि किन होला
साथी तिमी भिन्नै जस्तो
देखियौ नि किन होला ?

–ललितपुर, नेपाल ।