कोलोराडोखबर संवाददाता
अमेरिका । युरो कपमा स्पेनले अन्तिम १६ मा स्थान बनाएको छ ।
सोमबार राति ग्रुप बी अन्तरगको अन्तिम खेलमा अल्बानियालाई १–० गोल अन्तरले हराउँदै स्पेन ९ अंकका साथ प्रि क्वार्टरफाइनलमा पुगेको हो । स्पेनका लागि एक मात्र गोल खेलको ४३ औँ मिनेटमा फारेन टोनेसले गरे ।
त्यसैगरी सोमबार राति नै भएको अर्को खेलमा अन्तिम मिनेटमा बराबरी गोल गर्दै साविक विजेता इटाली पनि अन्तिम १६ मा प्रवेश गरेको छ ।
इन्ज्युरी समयको अन्तिम समयमा एक गोलले पछि परेको अवस्थामा गोल गरेर क्रोएसियाविरुद्ध १–१ को बराबरी खेल्दै इटाली अन्तिम १६ मा पुगेको हो ।
क्रोएसियाले ५५औं मिनेटमा लुका मोड्रीचको गोलको मद्दतमा खेलमा अग्रता लिएको थियो ।
प्रतियोगिता अन्तरगत मंगलबार ग्रुप डीका अष्ट्रिया र नेदरल्याण्ड तथा फ्रान्स र पोल्याण्ड भिड्ने छन् ।
प्रतिक्रिया दिनुहोस्