कोलोराडोखबर संवाददाता
अमेरिका । कोपा अमेरिकामा मेक्सिकोले विजयी शुरुवात गरेको छ । टेक्सासमा भएको खेलमा मेक्सिकोले जमैकालाई १–० गोल अन्तरले पराजित गरेको हो ।
मेक्सिकोका लागि खेलको ६९औं मिनेटमा गेरार्ड़ो आर्टिगाले गरेको एक मात्र गोल निर्णायक बन्यो ।
जितपछि समूह बी मा रहेको मेक्सिकोले ३ अंकका साथ तालिकाको दोस्रो स्थानमा रहेको छ । अर्को खेलमा भेनेजुएलाले ईक्वेडरलामाथि २–१ को जित निकालेको थियो ।
यता आयोजक अमेरिकाले कोपा अमेरिका २०२४ मा विजयी सुरुआत गरेको छ । समूह सी अन्तर्गत सोमबार बिहान टेक्ससस्थित एटी एण्ड टी स्टेडियममा भएको खेलमा अमेरिकाले बोलिभयालाई २–० ले हराएको हो ।
अमेरिकाका लागि क्रिस्टियन पुलिसिकले खेलको तेस्रो मिनेटमै टिमोथी वेहको पासमा गोल गर्दै अग्रता दिलाएका थिए । पुलिसिककै पासमा फोलारिन बालोगुनले गोल गर्दै अमेरिकाको अग्रता दोब्बर पारेका थिए ।
प्रतिक्रिया दिनुहोस्