यूरो कपमा जर्जिया र चेक रिपब्लिक बराबरी, पोर्चुगलद्वारा टर्की पराजीत

नेपाल । जर्जियाले जर्मनीमा भइरहेको युरो २०२४ मा पहिलो अंक जोडेको छ । समूह बी अन्तर्गत शनिवार साँझ ह्याम्वर्गमा भएको समूह एफको खेलमा जर्जियाले चेक रिपब्लिकसँग १–१ को बराबरी खेल्दै अंक जोडेको हो ।

जर्जेस मिकाउठाड्जेले पहिलो हाफको इन्जुरी टाइमको चौथो मिनेटमा गोल गर्दै जर्जियालाई अग्रता दिलाएका थिए । तर त्यो अग्रता जोगान सकेन । ५९औं मिनेटमा प्याट्रिक सिकले चे रिपब्लिकका लागि बराबरी गोल फर्काए ।

जर्जियाले खेलको अन्तिममा जित निकाल्ने अवसर गुमाएको थियो । जर्जियाका वैकल्पिक खेलाडी साबा लोब्जानिड्जेले अन्तिम समय गोल गर्ने राम्रो अवसर गुमाएका थिए ।

बराबरीले जर्जिया र चेक दुवैलाई घाटा लागेको छ । दुई खेलबाट जर्जिया र चेक रिपब्लिक दुवैको समान १ अंक छ ।

यता, लगातार दोस्रो जित निकाल्दै पोर्चुगल युरो कप को अन्तिम १६ मा प्रवेश गरेको छ। शनिबारको खेलमा पोर्चुगलले टर्कीलाई ३–० ले सहजै पराजित गरेको हो ।

पोर्चुगलका लागि बर्नार्डो सिल्भा र ब्रुनो फर्नान्डेजले १–१ गोल गरे भने १ गोल आत्मघाती गोल रहेको थियो।