यूरो कपमा रोमानिया र स्लोभाकिया विजयी

नेपाल । जर्मनीमा जारी यूरो कप २०२४ मा रोमानिया र स्लोभाकियाले जीत निकालेका छन् ।

यसैक्रममा रोमानियाले युरो २०२४ मा युक्रेनलाई सोमबार ३–० ले पराजित गर्दै सानदार सुरुवात गरेको छ ।

कप्तान निकोलस स्टासिउले २९औं मिनेटमा गोल गर्दै रोमानियालाई अग्रता दिलाएका थिए । उनले २० यार्डबाट टप कर्नरमा प्रहार गर्दै उत्कृष्ट गोल गरे । राजभान मारिनले ५३औं मिनेटमा गोल गर्दै रोमानियाको अग्रता दोब्बर पारे । त्यसको चार मिनेटपछि नै डेनिस ड्रागुसले गोल गर्दै रोमानियालाई ३-० को अग्रता दिलाए ।

त्यसैगरी स्लोभाकियाले बेल्जियमलाई हराएको छ । फ्रांकफर्ट भएको खेलमा स्लोभाकियाले बेल्जियमलाई १–० ले पराजित गरेको हो । इभान स्रान्जले खेलको सातौं मिनेटमै गरेको गोल निर्णायक बनेको हो ।

बेल्जियमले रोमानिया र स्लोभाकियाले युक्रेनसँग दोस्रो खेल खेल्नेछन् ।