कोलोराडोखबर संवाददाता
नेपाल । जर्मनीमा जारी युरो २०२४ मा वाउट वेघोर्स्टले खेल सकिन सात मिनेट अघि गरेको गोलको मद्दतमा नेदरल्याण्ड्सले युरो २०२४ मा पोल्याण्डमाथि जित निकालेको छ ।
समूह डी अन्तर्गत आइतबार भएको खेलमा नेदरल्याण्ड्सले एक गोलले पछि परेको स्थिती उल्टाउँदै पोल्याण्डलाई २–१ ले पराजित गरेको हो ।
ह्यामवर्षस्थित भोल्कपार्कस्टेडियममा भएको खेलको १६औं मिनेटमा आडम बुस्काले गोल गर्दै पोल्याण्डलाई पहिले अग्रता दिलाएका थिए । कोडी गाक्पोले २९औं मिनेटमा डच टोलीका लागि बराबरी गोल फर्काए ।
बराबरीतर्फ अग्रसर खेलेको ८३औं मिनेटमा वाउट वघोर्स्टले गोल गर्दै नेदरल्याण्ड्सलाई २–१ को जित दिलाए । जितपछि नेदरल्याण्ड्सले ३ अंक जोडेको छ ।
प्रतिक्रिया दिनुहोस्