कोलोराडोखबर संवाददाता
नेपाल । आईसीसी टी–२० विश्वकप क्रिकेट अन्तरगत आइतबार बिहान भएको खेलमा वेस्ट इन्डिजले युगान्डालाई १३४ रनको फराकिलो अन्तरले हराएको छ ।
टस जितेर ब्याटिङ गरेको वेस्ट इन्डिजले निर्धारित २० ओभरमा ५ विकेट गुमाउँदै १७३ रन बनाएको थियो ।
त्यसैगरी आईसीसी टी–२० विश्वकपमा दक्षिण अफ्रिकाले नेदरल्याण्ड्समाथि कठिन जित निकालेको छ । दक्षिण अफ्रिकाले नेदरल्याण्ड्सलाई ४ विकेटले पराजित हराउँदै लगातार दोस्रो जित दर्ता गर्यो ।
१ सय ४ रनको सामान्य लक्ष्य पछ्याएको दक्षिण अफ्रिकाले १८दशलमव ५ ओभरमा ६ विकेट गुमाएर लक्ष्य पूरा गर्यो ।
यसअघि टस हारेर पहिले ब्याटिङ गरेको नेदरल्याण्ड्सले २० ओभरमा ९ विकेट गुमाएर १ सय ३ रन बनाएको थियो ।
यसैबीच, अष्ट्रेलियाले आइसीसी टी–२० विश्वकप अन्तर्गत समूह बी को खेलमा इंग्ल्यान्डलाई पराजित गरेको छ ।
प्रतियोगितामा लगातार दोस्रो जित हासिल गरेको अष्ट्रेलियाले ३६ रनको जित दर्ता गर्यो । पहिलो ब्याटिङको निम्तो पाएको अष्ट्रेलियाले २० ओभरमा ७ विकेट गुमाएर २ सय १ रन जोडेको थियो ।
जवाफमा राम्रो सुरुवात गरेपनि मध्यक्रम नचल्दा इंग्ल्यान्ड ६ विकेटको क्षतिमा १ सय ६५ रन बनाउँदै पराजित हुन पुग्यो ।
यता, समूह डीमा श्रीलंकाले दोस्रो हार बेहोरेको छ । शनिबार बिहान भएको खेलमा श्रीलंकालाई बंगलादेशले २ विकेटले हराएको हो ।
बंगलादेशले जितका लागि पाएको १२५ रनको लक्ष्य १९ ओभरमा ८ विकेटको क्षतिमा पूरा गर्यो ।
यसअघि टस हारेर पहिले ब्याटिङ गरेको श्रीलंकाले निर्धारित २० ओभरमा ९ विकेट गुमाएर १२४ रन बनाएको थियो ।
पहिलो खेलमा श्रीलंका दक्षिण अफ्रिकासँग पराजित भएको थियो ।
प्रतिक्रिया दिनुहोस्