कोलोराडोखबर संवाददाता
नेपाल । आइसिसी पुरुष टी–२० विश्वकप क्रिकेट प्रतियोगितामा सहभागी हुन अमेरिका पुगेको नेपाली टोलीलाई राष्ट्रपति रामचन्द्र पौडेलले शुभकामना दिएका छन् ।
नेपाली राष्ट्रिय क्रिकेट टोलीका प्रतिनिधिमण्डलका सदस्यलाई टेलिफोन गरेर राष्ट्रपति पौडेलले उच्च मनोबलका साथ खेल्न शुभकामना दिएका हुन् ।
नेपालले खेल्ने खेल सम्पूर्ण नेपालीले विश्वभर जहाँ भए पनि हेरेर नेपाली टोलीको हौसला बढाउने पनि विश्वास व्यक्त गरे ।
अमेरिका र वेस्टइन्डिजले संयुक्त रुपमा आयोजना गरेको आइसिसी टी–२० विश्वकप क्रिकेट प्रतियोगिता गत जेठ १९ गतेदेखि सुरु भएको छ ।
मंगलबार नेपालले आफ्नो पहिलो खेल राति ९ः१५ बजे नेदरल्याण्ड्ससँग खेल्दैछ ।
प्रतिक्रिया दिनुहोस्