कोलोराडोखबर संवाददाता
अमेरिका । अमेरिका र नेपालबीचको आईसीसी टी–२० वार्मअप खेल वर्षाको कारण रद्द भएको छ । स्थानिय समय अनुसार बिहीबार बिहान १०ः३० बजे ग्राण्ड प्रेरी रंगशालामा हुनु पर्ने खेल रद्द भएको हो ।
अमेरिकाले टस जितेर पहिला ब्याटिङ रोजेको थियो । तर टस लगत्तै मैदानमा वर्षा भएको थियो । नेपाल पहिलो वार्मअप खेलमा क्यानडासँग ६३ रनले पराजित भएको थियो ।
नेपालले आगामी मंगलबार नेदरल्यान्ड्ससँग खेल्दै विश्वकपमा सुरुवात गर्नेछ । नेपाल रहेको समूह डी मा दक्षिण अफ्रिका, बंगलादेश, श्रीलंका र नेदरल्यान्ड्स छन् ।
१ जुनदेखि २९ सम्म अमेरिका र वेष्टइण्डिजमा हुने विश्वकप खेल्न नेपाली टोली अमेरिकामा छ ।
प्रतिक्रिया दिनुहोस्