आईपीएलमा आइतबारको खेलमा राजस्थान रोयल्स र गुजरात टाइटन्स विजयी

नेपाल । भारतमा जारी इन्डियन प्रिमियर लिग (आईपीएल) २०२४ मा आइतबार सम्पन्न खेलमा राजस्थान रोयल्स र गुजरात टाइटन्स विजयी भएका छन् ।

यसैक्रममा राजस्थान रोयल्सले लखनऊ सुपर जायन्ट्सलाई २० रनले हराउँदै विजयी सुरुवात गरेको हो । जितको लागि १९४ रनको विजयी लक्ष्य पछ्याएको लखनऊले २० ओभरमा ६ विकेट गुमाउँदै १७३ रनमात्रै बनाउन सकेको थियो ।

त्यस्तै गुजरात टाइटन्सले इन्डियन प्रिमियर लिग (आईपीएल)मा पाँच पटकको च्याम्पियन मुम्बइ इन्डियन्सलाई ६ रनले हराउँदै विजयी सुरुआत गरेको छ । जितको लागि १६९ रनको विजयी लक्ष्य पछ्याएको मुम्बइले निर्धारित २० ओभरमा ९ विकेट गुमाउँदै १६२ रनमात्रे बनाउन सक्यो ।