कोलोराडोखबर संवाददाता
नेपाल । मंगलबार बसेको नेकपा माओवादी केन्द्रको स्थायी समिति बैठकले प्रदेश इन्चार्जहरूको जिम्मेवारी हेरफेर गरेको छ ।
कोशीमा हरिबोल गजुरेल, मधेशमा लीलामणि पोखरेल, बागमतीमा अग्नि सापकोटा, गण्डकीमा दीनानाथ शर्मा, लुम्बिनीमा चन्द्रप्रकाश खनाल, कर्णालीमा कालीबहादुर मल्ल र सुदूरपश्चिममा गिरिराजमणि पोखरेललाई जिम्मेवारी तोकिएको छ ।
यस्तै, प्रवास अन्तर्गत मध्यपूर्व ब्यूरोको इन्चार्जमा पम्फा भुसाल, भारतमा मातृका यादव र युरोपमा राम कार्कीलाई जिम्मेवारी दिइएको छ । विशेष प्रदेशमा हितमान शाक्य र सम्पर्क समन्वय कमिटीमा देव गुरुङलाई जिम्मेवारी दिएको छ ।
बैठकमा नेपाली कांग्रेससँगको सहकार्य नलम्ब्याउने विषयमा पनि छलफल भएको बुझिएको छ ।
प्रतिक्रिया दिनुहोस्