कोलोराडोखबर संवाददाता
–आर.आर. चौलागाईं–
जो मरे पनि नेपाली मर्ने हो
जो रोए पनि नेपाली रुने हो ।
यति राम्रो मेरो देश रणमैदान बनेको छ
नेपालीले नेपाली पुर्न खाडल खनेको छ
जो जले पनि नेपाली जल्ने हो
जो मरे पनि नेपाली मर्ने हो ।
हामीलाई कसले जुधायो त्यसलाई चिन्नुपर्छ
हामीलाई कसले फसायो त्यसलाई चुट्नुपर्छ
जो ठगिए पनि नेपाली ठगिने हो
जो मरे पनि नेपाली मर्ने हो ।
–हेटौंडा, मकवानपुर ।
प्रतिक्रिया दिनुहोस्