कोलोराडोखबर संवाददाता
कोलोराडो । अमेरिकाको कोलोराडोमा रहेको डेनभर विमानस्थलमा यात्रु भरिएको विमानमा आगलागी भएको छ ।
बिहीबार साँझ डेन्भर विमानस्थलमा अमेरिकन एयरलाइन्सको विमानमा आगलागी भएको हो । अधिकारीहरूका अनुसार रोकिरहेको विमानमा आगो लागेको थियो ।
अमेरिकन एअरलाइन्सले उडानका लागि प्रयोग गरिएको विमान बोइङ ७३७–८०० मा आगलागी भएको अन्तर्राष्ट्रिय सञ्चार माध्यम बीबीसीले जनाएको छ ।
विमानभित्र १ सय ७२ जना यात्रु र ६ जना चालक दलका सदस्य रहेका बेला आगलागी भएपछि उनीहरूमध्ये केही हतारहतार बाहिर निस्किएका थिए । केही यात्रीलाई विमानबाट ओरालेर टर्मिनलमा लगिएको थियो ।
अमेरिकाको संघीय उड्ययन प्रशासन (एफएए) का अनुसरा यात्रुलाई भुइँमा सुरक्षित रूपमा अवतरण गर्न इन्फ्लेटेबल स्लाइडको प्रयोग गरिएको थियो ।
प्रतिक्रिया दिनुहोस्