कोलोराडोखबर संवाददाता
–रमेशचन्द्र घिमिरे–
‘कपडाको छाला रै’छ फलामको हाड
खुम्चँदा चैँ लठ्ठी हुने खुल्दा हुने आड’
उत्तर भन्न किन ढिला सोची छिटो भन
नत्र भए दस पुर्याउँछु तिमी एक, दुई गन ।
एउटै मात्र खुट्टा हुने हाम्रो काले दाइ
दैलाभित्र छिर्न खोज्छ अटाई नअटाई
जान्यौ भने यसको उत्तर भन्नु पर्ने हुन्छ
नभनिन्जेल मैले एक, दुई गन्नु पर्ने हुन्छ ।
बाले प्रश्न लगातार सोद्धा भएँ जिल्ल
उत्तर भन्छु तर उत्तर नमिल्ला कि मिल्ला ?
घामपानीमा जसको हुन्छ मिठो प्यारो नाता
उत्तर यही हो पानी पर्दा ओढ्नुपर्ने छाता ।
–भोर्लेटार, लमजुङ ।
प्रतिक्रिया दिनुहोस्