नेपालमा सुनको मूल्य प्रतितोला रु. २७०० ले घट्यो

नेपाल । बुधबार नेपाली बजारमा सुनचाँदीको मूल्य घटेको छ । सुन प्रतितोला रु. दुई हजार ७०० ले घटेको हो ।

मङ्गलबार प्रतितोला सुन रु. एक लाख ७० हजार २०० मा कारोबार भएकामा बुधबार सोही परिमाणको सुनको मूल्य रु. एक लाख ६७ हजार ५०० कायम भएको नेपाल सुनचाँदी व्यवसायी महासंघले जनाएको छ ।

यसैगरी, चाँदी प्रतितोला रु. १५ ले घटेको छ । प्रतितोला चाँदीको मूल्य रु. एक हजार नौ सय ३० निर्धारण गरिएको थियो ।