क्यानडामा एक नेपाली विद्यार्थीमाथि सामुहिक बलात्कार !

क्यानडा । उच्च शिक्षाको लागि क्यानडा आएकी एक नेपाली विद्यार्थीमाथि सामुहिक बलात्कारको घटना भएको छ । घटना गत डिसेम्बर २५ तारेखमा भएको हो ।

फेसबुकबाट चीनजान भएकाहरुले तिहारमा भाईटिका समेत लगाएका थिए । कोठामा बोलाई नेपाली ३ जना युवाहरुले ती २० बर्षिया युवतीलाई कोठामै बलात्कार गरेका थिए । घटनाको बारेमा प्रहरीलाई भनेमा ज्यान मार्ने धम्की समेत उनीहरुले दिएका थिए ।

घटना लगत्तै पीडित युवतीले प्रहरीलाई टेलिफोन गरे लगत्तै उनलाई प्रहरीले उद्धार गरेको थियो भने बलात्कार आरोपित ३ जना युवालाई प्रहरीले सोही समयमा पक्राउ गरेको थियो । अनुसन्धान पछी २ जना युवालाई प्रहरीले ब्यक्ति जमानीमा छाडेको र १ जना युवाको जिम्मा जमानी लिने ब्यक्ती नभएकोले उनी प्रहरी हिरासतमै रहेका छन ।

घटना भएको करिब १ महिना पछि मात्रै आफ्नो फेसबुक पेजमा बिज्ञप्ती जारी गर्दै एनआरएन क्यानडाले सो घटनाको टिकटक लगायतका विभिन्न सञ्चार माध्यमहरुमा ब्यापक रूपमा चर्चा भएको भन्दै पीडितको सहयोगको निम्ति सहयोग गरिरहेको बताएको छ ।

‘थप परामर्श साहायता आवश्यक परेमा हामी महिला हकहितको लागि कटिबद्ध स्थानीय संघ–संस्थाहरूसँग पनि समन्वय गरेर थप प्रक्रिया अगाडि बढाउने छौं ।’, एनआरएनए क्यानडाको विज्ञप्तिमा उल्लेख छ ।